ແຂວງຊຽງຂວາງ ຈັດງານວາງສະແດງສິນຄ້າ ມິນີ ໄທແລນດ໌ວີກ 2017
ເມື່ອອາທິດທີ່ຜ່ານມາ, ແຂວງຊຽງຂວາງ ແລະ ກົມສົ່ງເສີມການຄ້າ ລະຫວ່າງປະເທດໄທ ໄດ້ຮ່ວມກັນຈັດງານວາງ ສະແດງສິນຄ້າ ມິນີ ໄທແລນດ໌ວີກ 2017 ທີ່ເດີ່ນພິພິທະພັນ ແຂວງຊຽງຂວາງ, ໂດຍການເປັນປະທານຮ່ວມ ຂອງທ່ານ ບົວສອນ ສີນວນທອງ ຮອງເຈົ້າແຂວງຊຽງຂວາງ ແລະ ທ່ານ ນົບພະດົນ ເທບພິທັກ ເອກອັກຄະລັດຖະທູດ ແຫ່ງ ຣາຊະອານະຈັກໄທ ປະຈຳ ສປປ ລາວ ມີບັນດານັກທຸລະກິດ ລາວ-ໄທ ເຂົ້າຮ່ວມ.
ງານວາງສະແດງດັ່ງກ່າວ, ຈັດຂຶ້ນເພື່ອສ້າງຄວາມສຳພັນ ທາງດ້ານຕະຫລາດ ການຄ້າການລົງທຶນ ແລະ ການລົງທຶນ ໃນພື້ນທີ່ທາງພາກເໜືອ. ເຊິ່ງພາຍໃນງານແມ່ນໄດ້ນຳເອົາສິນຄ້າ ຂອງ ລາວ-ໄທ ມາວາງສະແດງ ໃນນັ້ນມີສິນຄ້າຊັ້ນນຳ ຂອງປະເທດໄທ ທີ່ປະກອບດ້ວຍກຸ່ມທີ່ມີຕົວແທນ ໃນສປປ ລາວ ແລະ ຜູ້ປະກອບການໄທ 37 ບໍລິສັດ ເຊິ່ງປະກອບດ້ວຍສິນຄ້າອຸປະໂພກ-ບໍລິໂພກ, ສິນຄ້າຕົກແຕ່ງ-ເຄື່ອງປະດັບ, ເຄື່ອງສຳອາງ, ສະໝຸນໄພ ແລະ ອື່ນໆ. ການຈັດງານໃນຄັ້ງນີ້ ຖືໄດ້ວ່າເປັນນິມິດໝາຍອັນດີ ໃນການຄ້າ ລະຫວ່າງ ລາວ-ໄທ ທີ່ມີຊາຍແດນເຊື່ອມຈອດກັນ ເຊິ່ງຊຽງຂວາງ ເປັນແຂວງທີ່ໃຫຍ່ ທາງພາກເໜືອຂອງລາວ, ພ້ອມທັງມີຊາຍແດນເຊື່ອມຕໍ່ ໄປສູ່ປະເທດຫວຽດນາມ ແລະ ປະເທດຈີນ ເຊິ່ງສົ່ງຜົນດີ ໃນການຕິດຕໍ່ພົວພັນກັນ ໃນດ້ານການຄ້າຂາຍ, ການລົງທຶນ ແລະ ການທ່ອງທ່ຽວໃນອະນາຄົດ.
ຂ່າວ: ສົມຫວັງ
ງານວາງສະແດງດັ່ງກ່າວ, ຈັດຂຶ້ນເພື່ອສ້າງຄວາມສຳພັນ ທາງດ້ານຕະຫລາດ ການຄ້າການລົງທຶນ ແລະ ການລົງທຶນ ໃນພື້ນທີ່ທາງພາກເໜືອ. ເຊິ່ງພາຍໃນງານແມ່ນໄດ້ນຳເອົາສິນຄ້າ ຂອງ ລາວ-ໄທ ມາວາງສະແດງ ໃນນັ້ນມີສິນຄ້າຊັ້ນນຳ ຂອງປະເທດໄທ ທີ່ປະກອບດ້ວຍກຸ່ມທີ່ມີຕົວແທນ ໃນສປປ ລາວ ແລະ ຜູ້ປະກອບການໄທ 37 ບໍລິສັດ ເຊິ່ງປະກອບດ້ວຍສິນຄ້າອຸປະໂພກ-ບໍລິໂພກ, ສິນຄ້າຕົກແຕ່ງ-ເຄື່ອງປະດັບ, ເຄື່ອງສຳອາງ, ສະໝຸນໄພ ແລະ ອື່ນໆ. ການຈັດງານໃນຄັ້ງນີ້ ຖືໄດ້ວ່າເປັນນິມິດໝາຍອັນດີ ໃນການຄ້າ ລະຫວ່າງ ລາວ-ໄທ ທີ່ມີຊາຍແດນເຊື່ອມຈອດກັນ ເຊິ່ງຊຽງຂວາງ ເປັນແຂວງທີ່ໃຫຍ່ ທາງພາກເໜືອຂອງລາວ, ພ້ອມທັງມີຊາຍແດນເຊື່ອມຕໍ່ ໄປສູ່ປະເທດຫວຽດນາມ ແລະ ປະເທດຈີນ ເຊິ່ງສົ່ງຜົນດີ ໃນການຕິດຕໍ່ພົວພັນກັນ ໃນດ້ານການຄ້າຂາຍ, ການລົງທຶນ ແລະ ການທ່ອງທ່ຽວໃນອະນາຄົດ.
ຂ່າວ: ສົມຫວັງ
ຂອບໃຈແຫຼ່ງຂໍ້ມູນ
: ຂ່າວສານປະເທດລາວ