"ເບັ້ນ ເຣສຊິ່ງ" ຕ້ອງນອນຄຸກ ສານອາຍາບໍ່ອະນຸມັດໃຫ້ປະກັນຕົວ
ສານອາຍາ ຣັດສະດາພິເສກ ພິຈາລະນາບໍ່ອະນຸຍາດໃຫ້ປະກັນຕົວ "ເບັ້ນ ເຣສຊິ່ງ " ຫຼັງຍື່ນຫຼັກຊັບ 3 ລ້ານບາດ ເນື່ອງຈາກເປັນຄະດີທີ່ມີໂທດເຖິງຂຶ້ນປະຫານຊີວິດ
(29 ພຶດສະພາ) ຜູ້ສື່ຂ່າວລາຍງານວ່າ ພາຍຫຼັງຈາກທີ່ ທ້າວ ອັກຄະລະກິດ ວໍລະໂຣດຈະເລີນເດດ ຫລື ເບັ້ນ ເຣສຊິ່ງ ຈຳເລີຍຄະດີຟອກເງິນ ແລະໃຫ້ການສະໜັບສະໜູນຜູ້ກະທຳຜິດກ່ຽວກັບຢາເສບຕິດ ໄດ້ໃຫ້ການກັບເຈົ້າຫນ້າທີ່ສອບຄຳໃຫ້ການ ພ້ອມກັບຈຳເລີຍຮ່ວມທັງຫມົດ 3 ຄົນ ສຳເລັດ ໂດຍໃຊ້ເວລາດົນກວ່າ 3 ຊົ່ວໂມງ ທະນາຍຄວາມໄດ້ຍື່ນຫຼັກຊັບ 3 ລ້ານບາດ ເພື່ອຂໍປ່ອຍຕົວຊົ່ວຄາວ
ລ່າສຸດ ສານອາຍາ ໄດ້ມີຄຳສັ່ງບໍ່ອະນຸຍາດໃຫ້ປະກັນຕົວ ເນື່ອງຈາກເປັນຄະດີໂທດສູງເຖິງປະຫານຊີວິດ ສ່ວນທາງດ້ານໄອຍາການໂຈດກໍຄັດຄ້ານປະກັນຕົວເຊັ່ນດຽວກັນ ເຮັດໃຫ້ຖືກຄວບຄຸມຕົວໄປຂັງໄວ້ສະຖານບຳບັດພິເສດກາງ ຖ້າຈົນກວ່າຈະມີການດຳເນີນການຍື່ນຂໍປະກັນຕົວເທື່ອໃໝ່ ແລະສານໃຫ້ອະນຸຍາດ ຫລືຈົນກວ່າຄະດີຈະມີຄຳພິພາກສາສັ່ງໃຫ້ຍົກຟ້ອງຕໍ່ໄປ
ແຫຼ່ງຂ່າວ : ມ່ວນ