ການໂຈມຕີ ທາງອາກາດ ຂອງ ຟີລິບປິນ ເຮັດໃຫ້ທະຫານ ເກືອບ 20 ບາດເຈັບ
ເຈົ້າໜ້າທີ່ກອງທັບຟີລິບປິນ ກ່າວໃນວັນພະຫັດ ມື້ນີ້ວ່າ ນຶ່ງໃນການໂຈມຕີ ທາງອາກາດຂອງຕົນທີ່ຕັ້ງໃຈແນໃສ່ພວກຫົວຮຸນແຮງທີ່ເປັນເຄືອຂ່າຍຂອງກຸ່ມລັດອິສລາມຢູ່ທີ່ເມືອງມາຣາວີ ທາງພາກໃຕ້ຂອງປະເທດ ກັບໄດ້ສັງຫານ ທະຫານຂອງຕົນ 10
ຄົນແລະບາດເຈັບອີກ 7 ຄົນ.ລັດຖະມົນຕີ ກະຊວງປ້ອງກັນປະເທດຟີລິບປິນ ທ່ານ Delfin Lorenzana ກ່າວຕໍ່
ພວກນັກຂ່າວວ່າ “ການປະສານງານໄດ້ເກີດຄວາມຜິດພາດຂຶ້ນ ດັ່ງນັ້ນ ຈຶ່ງຖືກຄົນຂອງພວກເຮົາເອງ.”ການຖິ້ມລະເບີດດ້ວຍຄວາມຜິດພາດ ແມ່ນນຶ່ງໃນການໂຈມຕີທາງອາກາດຫຼາຍຄັ້ງທີ່ທາງກອງທັບໄດ້ກະທຳໃນວັນພຸດວານນີ້ໃນຂະນະທີ່ກຳລັງທະຫານທາງພາກພື້ນດິນພະຍາຍາມຂັບໄລ່ພວກຫົວຮຸນແຮງອອກໄປຈາກເມືອງດັ່ງກ່າວ.ຄວາມຮຸນແຮງທີ່ເມືອງມາຣາວີໄດ້ລະເບີດຂຶ້ນໃນອາທິດແລ້ວຍ ເວລາກຳລັງຮັກສາຄວາມສະຫງົບພະຍາຍາມທີ່ຈະໄປຈັບທ້າວ Isnilon Hapilon ທີ່ເອ໋ີ້ນກັນວ່າ ເປັນຫົວໜ້າກຸ່ມລັດອິສລາມ ຢູ່ໃນຟີລິບປິນ ແລະພວກນັກລົບ ຂອງກຸ່ມດັ່ງກ່າວໄດ້ຕອບໂຕ້ດ້ວຍການເຂົ້າຍຶດເອົາບາງເຂດຂອງເມືອງມາຣາວີ ແລະກໍຈັບເອົາຜູ້ຄົນເປັນໂຕປະກັນ.ທ້າວ Hapilon ເປັນນຶ່ງໃນພວກຜູ້ກໍ່ການຮ້າຍ ທີ່ທາງການຕ້ອງການໂຕຫຼາຍທີ່ສຸດຢູ່ໃນບັນຊີລາຍຊື່ຂອງສະຫະລັດ ໂດຍໄດ້ຕັ້ງລາງວັນ ໃນການຈັບກຸມຜູ້ກ່ຽວໄວ້ 5
ລ້ານໂດລາ.ການສູ້ລົບກັນຢູ່ເມືອງມາຣາວີ ໄດ້ສັງຫານພວກຫົວຮຸນແຮງ ຢ່າງໜ້ອຍ 95 ຄົນ ກຳລັງຮັກສາຄວາມສະຫງົບ 30 ຄົນ ແລະ ພົນລະເຮືອນ 19 ຄົນ. ທ່ານ Lorenzanaກ່າວໃນວັນພະຫັດມື້ນີ້ວ່າ 8 ໃນຈຳນວນພວກຫົວຮຸນແຮງ 9 ຄົນ ທີ່ຖືກຂ້າຕາຍນັ້ນແມ່ນຊາວຕ່າງປະເທດ ຮວມທັງພວກນັກລົບຊາວເຊັສເນຍແລະອາຣັບ.
cr : voa
