ຫໍສະພາແຫ່ງຊາດຫຼັງເກົ່າຈະຖືກຮື້ຖອນ ແລະ ສ້າງຫຼັງໃໝ່ ທົດແທນ ຈະໃຊ້ເວລາໃນການກໍ່ສ້າງ 3 ປີ
ທ່ານ ນາງ ສວນສະຫວັນ ວິຍະເກດ ກຳມະການສຳຮອງສູນກາງພັກ, ຮອງຫົວໜ້າຄະນະຊີ້ນຳລະດັບຊາດ ໄດ້ຖະແຫລງຂ່າວ ກ່ຽວກັບການຮື້ຖອນ ແລະ ກໍ່ສ້າງຫໍສະພາແຫ່ງຊາດຫລັງໃໝ່ ໃນວັນທີ 2 ມິຖຸນາ 2017 ໂດຍໃຫ້ຮູ້ວ່າ: ຫໍສະພາແຫ່ງຊາດຫລັງໃໝ່ ຈະສ້າງເປັນອາຄານ 5 ຊັ້ນ ປະກອບດ້ວຍ ຫ້ອງປະຊຸມໃຫຍ່ຂອງສະພາແຫ່ງຊາດ, ຫ້ອງໂຖງໃຫຍ່, ຫ້ອງກຽດຕິຍົດ, ຫ້ອງປະຊຸມຂະໜາດກາງ-ນ້ອຍ, ຫ້ອງເຮັດວຽກຂອງບັນດາ ຄະນະປະຈຳສະພາແຫ່ງຊາດ ແລະ ບັນດາຫ້ອງກະກຽມຮອງຮັບວຽກປະຊຸມ ອື່ນໆ ຊຶ່ງການກໍ່ສ້າງແມ່ນໄດ້ຮັບການຊ່ວຍເຫລືອ ຈາກພັກ-ລັດ ແລະ ປະຊາຊົນຫວຽດນາມ.
ໂຄງການກໍ່ສ້າງຫໍສະພາແຫ່ງຊາດຫລັງໃໝ່ ຈະເລີ່ມລົງມືກໍ່ສ້າງ ໃນກາງເດືອນກໍລະກົດ 2017 ນີ້, ຄາດວ່າຈະໃຊ້ເວລາໃນການກໍ່ສ້າງປະມານ 3 ປີ ໃຫ້ສຳເລັດ ເພື່ອຮອງຮັບໃຫ້ແກ່ການປະຕິບັດໜ້າທີ່ວຽກງານຂອງ ສະພາແຫ່ງຊາດຊຸດຕໍ່ໄປ.
ທ່ານ ນາງ ສວນສະຫວັນ ວິຍະເກດ ໃຫ້ຮູ້ຕື່ມວ່າ: ການຮື້ຖອນ ຫໍສະພາແຫ່ງຊາດ ຫລັງເກົ່າ ແລະ ປຸກສ້າງຫໍສະພາແຫ່ງຊາດຫລັງໃໝ່ ເນື່ອງຈາກວ່າ ຜ່ານການນຳໃຊ້ຫໍສະພາດັ່ງກ່າວ ເຂົ້າໃນການປະຕິບັດໜ້າທີ່ວຽກງານ ຂອງສະພາແຫ່ງຊາດ ໃນໄລຍະເວລາ 26 ປີ ຜ່ານມາ ມີຫລາຍຈຸດເກີດການເພພັງ, ຮົ່ວຊຶມ, ກົງຈັກການຈັດຕັ້ງຂອງສະພາແຫ່ງຊາດ ມີການຂະຫຍາຍຕົວຕາມຄວາມຮຽກ ຮ້ອງຕ້ອງການຂອງວຽກງານ, ຈຳນວນສະມາຊິກສະພາແຫ່ງຊາດ, ພະນັກງານ-ລັດຖະກອນ ຂອງສະພາແຫ່ງຊາດ ມີຈຳນວນເພີ່ມຂຶ້ນ, ການຈັດວາງຫ້ອງປະຊຸມ, ຫ້ອງເຮັດວຽກມີຄວາມຈຳເປັນຕ້ອງປັບປຸງ, ກໍ່ສ້າງ, ຈັດວາງໃຫ້ສອດຄ່ອງກັບລັກສະນະ ຂອງລັດຖະສະພາ ແລະ ຕອບສະໜອງຄວາມຮຽກຮ້ອງຕ້ອງການ ໃນການຍົກສູງປະສິດທິພາບ ໃນການປະຕິບັດບົດບາດຂອງສະພາແຫ່ງຊາດ. ສະນັ້ນ, ຈຶ່ງມີຄວາມຈຳເປັນ ຕ້ອງໄດ້ຂະຫຍາຍສະຖານທີ່ເຮັດວຽກ ເພື່ອຮອງຮັບການປະຕິບັດໜ້າທີ່ ຂອງການນຳ, ພະນັກງານ-ລັດຖະກອນ ຂອງສະພາແຫ່ງຊາດ.
ທ່ານ ນາງ ສວນສະຫວັນ ວິຍະເກດ ໃຫ້ຮູ້ຕື່ມວ່າ: ການຮື້ຖອນ ຫໍສະພາແຫ່ງຊາດ ຫລັງເກົ່າ ແລະ ປຸກສ້າງຫໍສະພາແຫ່ງຊາດຫລັງໃໝ່ ເນື່ອງຈາກວ່າ ຜ່ານການນຳໃຊ້ຫໍສະພາດັ່ງກ່າວ ເຂົ້າໃນການປະຕິບັດໜ້າທີ່ວຽກງານ ຂອງສະພາແຫ່ງຊາດ ໃນໄລຍະເວລາ 26 ປີ ຜ່ານມາ ມີຫລາຍຈຸດເກີດການເພພັງ, ຮົ່ວຊຶມ, ກົງຈັກການຈັດຕັ້ງຂອງສະພາແຫ່ງຊາດ ມີການຂະຫຍາຍຕົວຕາມຄວາມຮຽກ ຮ້ອງຕ້ອງການຂອງວຽກງານ, ຈຳນວນສະມາຊິກສະພາແຫ່ງຊາດ, ພະນັກງານ-ລັດຖະກອນ ຂອງສະພາແຫ່ງຊາດ ມີຈຳນວນເພີ່ມຂຶ້ນ, ການຈັດວາງຫ້ອງປະຊຸມ, ຫ້ອງເຮັດວຽກມີຄວາມຈຳເປັນຕ້ອງປັບປຸງ, ກໍ່ສ້າງ, ຈັດວາງໃຫ້ສອດຄ່ອງກັບລັກສະນະ ຂອງລັດຖະສະພາ ແລະ ຕອບສະໜອງຄວາມຮຽກຮ້ອງຕ້ອງການ ໃນການຍົກສູງປະສິດທິພາບ ໃນການປະຕິບັດບົດບາດຂອງສະພາແຫ່ງຊາດ. ສະນັ້ນ, ຈຶ່ງມີຄວາມຈຳເປັນ ຕ້ອງໄດ້ຂະຫຍາຍສະຖານທີ່ເຮັດວຽກ ເພື່ອຮອງຮັບການປະຕິບັດໜ້າທີ່ ຂອງການນຳ, ພະນັກງານ-ລັດຖະກອນ ຂອງສະພາແຫ່ງຊາດ.
