ປ. ທຣໍາ ຂອບໃຈ ປ. ຣັດເຊຍ ທີ່ຕັດຈຳນວນ ນັກການທູດ ສະຫະລັດ ລົງ
ປະທານາທິບໍດີສະຫະລັດ ໄດ້ກ່່າວປັດປ່າຍກ່ຽວກັບການຕັດສິນໃຈຂອງຜູ້ນຳຣັດເຊຍທ່ານ Putin ທີ່ໄດ້ຂັບໄລ່ ນັກການທູດສະຫະລັດຫຼາຍຮ້ອຍຄົນອອກຈາກ ຣັດເຊຍ ໂດຍໄດ້ກ່າວຂອບໃຈ ຕໍ່ທ່ານແທນ ແລະ ຢືນຢັດວ່າການເຄື່ອນໄຫວນີ້ ຈະປະຢັດເງິນສະຫະລັດຢ່າງຫລວງຫລາຍ ຢູ່ໃນຄຳຖະແຫລງຢ່າງກວ້າງຂວາງຕໍ່ບັນດານັກຂ່າວ ທີ່ເດີ່ນຕີກັອຟຂອງທ່ານ ໃນພາກກາງຂອງລັດ New Jersey ໃນວັນພະຫັດວານນີ້ ປະທານາທິບໍດີທຣໍາ ກ່າວວ່າ“ຂ້າພະເຈົ້າຢາກຂໍຂອບໃຈຕໍ່ທ່ານ ເພາະວ່າພວກເຮົາພະຍາຍາມທີ່ຈະຕັດການໃຊ້ຈ່າຍຂອງພວກເຮົາ ແລະເທົ່າທີ່ຄວາມເປັນຫ່ວງຂອງຂ້າພະເຈົ້າ ນັ້ນ ຂ້າພະເຈົ້າຂໍຂອບໃຈ ທີ່ທ່ານໄດ້ປ່ອຍໃຫ້ພະນັກງານຂອງເຮົາຈຳນວນຫຼວງ ຫລາຍອອກຈາກປະເທດ ຍ້ອນວ່າບັດນີ້ ເຮົາມີການໃຊ້ຈ່າຍໜ້ອຍລົງ.” ປະທາ ນາທິບໍດີ ໄດ້ກ່າວເພີ້ມອີກວ່າ “ພວກເຮົາຈະເກັບຮັກສາເງິນໄວ້ໄດ້ຫລາຍຂຶ້ນ.”ບໍ່ມີປະຕິກິລິຍາຢ່າງເປັນທາງການໂດຍທັນທີຈາກກະຊວງຕ່າງປະເທດ ກ່ຽວກັບຄຳຖະແຫລງຂອງປະທານາທິບໍດີທຣໍາ. ເຖິງຢ່າງໃດກໍດີ ອົງການຂ່າວຣອຍເຕີ ໄດ້ອ້າງຄຳເວົ້າອະດີດເຈົ້າໜ້າທີ່ກະຊວງຕ່າງປະເທດ ທີ່ບໍ່ປະສົງອອກຊື່ ທີ່ກ່າວວ່າ ກະຊວງ ດັ່ງກ່າວໄດ້ “ຕື່ນຕົກໃຈແລະກັງວົນໃຈ” ໃນຄຳເວົ້າຂອງປະທານາ ທິບໍດີ.
ຍັງບໍ່ເປັນທີ່ແຈ່ມແຈ້ງເທື່ອວ່າ ປະທານາທິບໍດີໄດ້ເວົ້າຕະຫລົກຫລິ້ນຫລືບໍ່. ທ່ານNicholas Burn ສາດສະດາຈານ ທີ່ສະຖາບັນລັດຖະບານ John F. Ken-nedy ຂອງມະຫາວິທະຍາໄລ Harvard ກ່າວວ່າ ຖ້າປະທານາທິບໍດີທຣໍາເວົ້າຕະຫລົກຫລິ້ນ“ທ່ານຄວນຮູ້ດີກວ່ານີ້” ແຕ່ຖ້າຫາກທ່ານບໍ່ໄດ້ເວົ້າຕະຫລົກຫລິ້ນ ສະນັ້ນຄຳເວົ້າຂອງ
ທ່ານ ແມ່ນ “ບໍ່ເຄີຍມີມາກ່ອນ.”ທຳນຽບຂາວບໍ່ໄດ້ກ່າວໂດຍທັນໃດກ່ຽວກັບຄຳຖະແຫລງຂອງປະທານາທິບໍດີ. ປະທານາທິບໍດີທຣໍາໄດ້ຖືກຕິຕຽນວ່າ ບໍ່ໄດ້ເອົາທ່າທີຢ່າງແຂງຂັນຕໍ່ຣັດເຊຍ.ຄໍາສັ່ງຂອງປະທານາທິບໍດີ Putin ໃຫ້ຂັບໄລ່ພະນັກງານສະຖານທູດ ແລະກົງສຸນສະຫະລັດ ໄດ້ເປັນທີ່ຄາດກັນໄວ້ມານານແລ້ວ ຫລັງຈາກປະທານາທິບໍດີ Barack Obama ໄດ້ໄລ່ນັກການທູດຣັດເຊຍ 35 ຄົນແລະປິດບ່ອນພັກຜ່ອນ ສອງແຫ່ງຂອງຣັດເຊຍຢູ່ໃນສະຫະລັດ ຫລັງຈາກລາຍງານຂອງອົງການສືບລັບ ສະຫະລັດ ທີ່ເປີດເຜິຍວ່າ ຣັດເຊຍໄດ້ແຊກແຊງເຂົ້າໃນການແຂ່ງຂັນເລືອກຕັ້ງ ປະທານາທິບໍດີສະຫະລັດ ໃນປີ 2016 ໂດຍໂຈມຕີເຈາະຂໍ້ມູນ ແລະວິທີອື່ນໆເພື່ອຊ່ວຍໃຫ້ທ່ານທຣໍາ ຊະນະການ ເລືອກຕັ້ງ.
ແຫຼ່ງຂ່າວ : VOA
ທ່ານ ແມ່ນ “ບໍ່ເຄີຍມີມາກ່ອນ.”ທຳນຽບຂາວບໍ່ໄດ້ກ່າວໂດຍທັນໃດກ່ຽວກັບຄຳຖະແຫລງຂອງປະທານາທິບໍດີ. ປະທານາທິບໍດີທຣໍາໄດ້ຖືກຕິຕຽນວ່າ ບໍ່ໄດ້ເອົາທ່າທີຢ່າງແຂງຂັນຕໍ່ຣັດເຊຍ.ຄໍາສັ່ງຂອງປະທານາທິບໍດີ Putin ໃຫ້ຂັບໄລ່ພະນັກງານສະຖານທູດ ແລະກົງສຸນສະຫະລັດ ໄດ້ເປັນທີ່ຄາດກັນໄວ້ມານານແລ້ວ ຫລັງຈາກປະທານາທິບໍດີ Barack Obama ໄດ້ໄລ່ນັກການທູດຣັດເຊຍ 35 ຄົນແລະປິດບ່ອນພັກຜ່ອນ ສອງແຫ່ງຂອງຣັດເຊຍຢູ່ໃນສະຫະລັດ ຫລັງຈາກລາຍງານຂອງອົງການສືບລັບ ສະຫະລັດ ທີ່ເປີດເຜິຍວ່າ ຣັດເຊຍໄດ້ແຊກແຊງເຂົ້າໃນການແຂ່ງຂັນເລືອກຕັ້ງ ປະທານາທິບໍດີສະຫະລັດ ໃນປີ 2016 ໂດຍໂຈມຕີເຈາະຂໍ້ມູນ ແລະວິທີອື່ນໆເພື່ອຊ່ວຍໃຫ້ທ່ານທຣໍາ ຊະນະການ ເລືອກຕັ້ງ.
ແຫຼ່ງຂ່າວ : VOA
