ສູງສຸດເປັນປະຫວັດສາດ! ທົ່ວໂລກຫວັ່ນ ເຮັດໃຫ້ຍອດຄົ້ນຫາຄຳວ່າ “ສົງຄາມໂລກ 3” ໃນ Google ເພີ່ມ
ເວັບໄຊ້ “ເດລີດອທ” ລາຍງານເມື່ອບໍ່ດົນມານີ້ວ່າ ປະລິມານການຄົ້ນຫາຄຳວ່າ “ສົງຄາມໂລກ ຄັ້ງທີ່ 3” (world war 3) ແລະ “ກຳລັງເກີດສົງຄາມ” (going to war) ຜ່ານລະບົບການຄົ້ນຂໍ້ມູນຂອງ Google ເພີ່ມສູງຂຶ້ນ ເປັນປະຫວັດສາດ ສະທ້ອນໃຫ້ເປັນເຖິງຄວາມວິຕົກ ແລະ ຄວາມກັງວົນ ຂອງຄົນທົ່ວໂລກ ວ່າກຳລັງຈະເກີດສົງຄາມຄັ້ງໃຫຍ່.
ການຄົ້ນຫາຂໍ້ມູນດ້ວຍຄຳວ່າ “ສົງຄາມໂລກ ຄັ້ງທີ່ 3” ເພີ່ມຂຶ້ນເຖິງລະດັບສູງສຸດ ເປັນປະຫວັດສາດໃນຊ່ວງ 2-3 ອາທິດມານີ້ ໂດຍເພີ່ມຂຶ້ນມາສູງສຸດເມື່ອວັນທີ 7 ເມສາທີ່ຜ່ານມາ ເມື່ອມີຂ່າວ ປະທານາທິບໍດີ ໂດນັລດ໌ ທຣັມ ຂອງອາເມຣິກາ ສັ່ງຍິງຂີປະນາວຸດໂທມາຮອກ 59 ລູກ ເຂົ້າໃສ່ຖານທັບອາກາດຂອງຊີເຣຍ ຫຼັງຈາກນັ້ນມາຂໍ້ມູນຂອງ “Google Trend” ສະແດງໃຫ້ເຫັນວ່າການຄົ້ນຫາ ດ້ວຍຄຳຄົ້ນປະມານແນວນີ້ ຍັງຢູ່ໃນລະດັບສູງຜິດປົກກະຕີິ ເມື່ອເກີດສະຖານະການຕຶງຄຽດລະຫວ່າງອາເມຣິກາ ກັບຫຼາຍປະເທດ ໂດຍສະເພາະກັບເກົາຫຼີເໜືອ.
ຄັ້ງລ່າສຸດ ທີ່ມີທ່າອ່ຽງການຄົ້ນຫາຄຳວ່າ ສົງຄາມໂລກຄັ້ງທີ່ 3 ເພີ່ມສູງຂຶ້ນຫຼາຍນັ້ນ ເກີດຂຶ້ນຫລັງຈາກ ເຫດການໂຈມຕີ ກຸງປາຣີສ ປະເທດຝລັ່ງດ້ວຍການກໍ່ການຮ້າຍ ເມື່ອເດືອນພະຈິກ 2015 ແຕ່ຍອດທີ່ເພີ່ມສູງຂຶ້ນໃນເດືອນເມສາປີນີ້ ເປັນການເພີ່ມຂຶ້ນຈາກສະຖິຕິເມື່ອປີ 2015 ເກືອບ 100% ແລະ ເປັນລະດັບສຸູງສຸດທີ່ຜູ້ຄົ້ນທົ່ວໂລກຄັ້ນຫາຄຳວ່າ “ສົງຄາມໂລກຄັ້ງທີ່ 3” ນັບຕັ້ງແຕ່ປີ 2003 ທີ່ Google ເລີ່ມປະມວນຜົນ ການຄົ້ນຫາອອກມາເຜີຍແຜ່ ເປັນເທື່ອທຳອິດ.